आकस्मिक सेवा विभाग (Emergency Department)
शुक्रराज ट्रपिकल तथा सरुवा रोग अस्पतालको आकस्मिक सेवा विभागबाट २४सै घण्टा (२४/७) आकस्मिक स्वास्थ्य सेवा उपलब्ध गराइन्छ। यस विभागमा आकस्मिक तथा ज्यान जोखिममा पार्ने स्वास्थ्य समस्याबाट प्रभावित बिरामीहरूको शीघ्र मूल्याङ्कन, प्रारम्भिक उपचार, स्थिरीकरण तथा आवश्यक व्यवस्थापन गरिन्छ।
नेपालको ट्रपिकल तथा सरुवा रोगसम्बन्धी विशेषज्ञ अस्पताल का रूपमा यस विभागले सरुवा रोग, विषाक्त सर्पदंश, रेबिजको जोखिममा परेका बिरामी, उच्च ज्वरो, विष सेवन (Poisoning), तीव्र झाडापखाला, सेप्सिस (Sepsis), टिटानस, श्वासप्रश्वाससम्बन्धी आकस्मिक समस्या लगायत अन्य विभिन्न आकस्मिक स्वास्थ्य अवस्थाहरूमा विशेषज्ञ उपचार सेवा प्रदान गर्दछ। अनुभवी आकस्मिक चिकित्सक, नर्स तथा स्वास्थ्यकर्मीहरूको समर्पित टोलीले सेवाग्राहीलाई छिटो, गुणस्तरीय तथा करुणामय स्वास्थ्य सेवा प्रदान गर्न निरन्तर प्रतिबद्ध रहेको छ।
🕒 सेवा उपलब्धता: २४ घण्टा, हप्ताको ७ दिन (24/7)